Wasantha Gamine
1 h ·
https://www.facebook.com/photo.php?fbid=112809369834765&set=a.102678584181177&type=3&theater
FB-Kalyananda-Thiranagama-FB-WasanthaGamine-04.02.2019
අපේ දේශපාලකයන් ජනතා මුදල් කොල්ලකාලා ලෝක වාර්තාවක් තියලා - මෙහෙම ඇමති මණ්ඩලයකුත් මුළු ලෝකෙම නෑ
මානව හිමිකම් පිළිබඳ නීතිවේදී සංවිධානයේ විධායක අධ්‍යක්ෂ නීතිඥ කල්්‍යානන්ද තිරාණගම
ශ්රී ලංකාවේ තරම් ජනතාව රවටන දේශපාලකයින් පිරිසක් ලෝකයේ කිසිම රටක නැතැයි මානව හිමිකම් පිළිබඳ නීතිවේදී සංවිධානයේ විධායක අධ්‍යක්ෂ නීතිඥ කල්්‍යානන්ද තිරාණගම මහතා කියයි. ඒ මහතා එලෙස ප්රකාශ කළේ යළිත් ජාතික ආණ්ඩුවක් ඇතිකර මැති ඇමතිවරුන් සංඛ්‍යාව වැඩිකරගැනීමටත් මන්ත‍්‍රීවරයකුගේ වැටුප් තව වැඩකළ යුතු බවටත් ඇතැමුන් කරන යෝජනා පිළිබඳ අප කළ විමසුමකදීය. ලෝකයේ වැඩිම මැති ඇමතිවරුන් සිටින රට ලෙස මේවන විට ලෝක වාර්තාවක් තබා ඇති ශ්රී ලංකාවේ දේශපාලකයින් නඩත්තු කිරීමට වැයවන මහජන මුදල් කන්දරාව අපේ රටේ වර්තමාන ආර්ථිකයට කිසිසේත්ම ඔරොත්තු නොදෙන බවට සමාජ, ආර්ථික, දේශපාලන ක්ෂේත‍්‍රයන්හි බොහෝ විද්වතුන් දරන මතය පිළිබඳ ජනතාවගේ අවධානය යොමු නොවීම මුළු රටේම අභාග්‍යයක් යැයිද කල්්‍යානන්ද තිරාණගම මහතා පවසයි.
අපේ රටේ ඇමති මණ්ඩලය තව වැඩිකිරීමටත් මන්ත්රී වැටුප තවත් ඉහළ දැමිය යුතු බවටත් ඉදිරිපත් කෙරෙන යෝජනා පිළිබඳ ඔබේ මතය කුමක්ද?
තව වැඩිකරන්න ඉල්ලූවත් අපේ රටේ තමයි දැන් ලෝකෙ ලොකුම ඇමති මණ්ඩලය ඉන්නෙ. චීනෙ ජනගහනය කෝටි එකසිය හතළිහයි. ඇමති මණ්ඩලය 35 යි. ඉන්දියාවෙ ජනගහනය කෝටි 128 යි ඇමති මණ්ඩලය 24 යි. රාජ්‍ය ඇමතිවරු 22 යි. ඇමරිකාවෙ ජනගහනය කෝටි 32 යි. ඇමති මණ්ඩලය 16 යි. ජපානයේ දොළොස් කෝටි හැට අට ලක්ෂයයි. ඇමතිවරු 19 යි. ප‍්‍රංශෙ හය කෝටි හතළිස් නම ලක්ෂයයි. ඇමතිවරු 17 යි. ජර්මනියෙ අටකෝටි විසිපන් ලක්ෂයයි ඇමතිවරු 16 යි. අපේ රටේ ජනගහනය දෙකෝටි තිස් ලක්ෂයයි. ඇමතිවරු 30 යි.
චීනය, ඉන්දියාව වැනි රටවල ජනගහනය සහ ඇමතිවරු අතර අනුපාතය කෝටියකට එකයි. ඇමරිකාවේ කෝටි 2 කට එක ඇමතිවරයයි. අපේ රටේ කෝටි දෙකට ඇමතිවරු 30 යි. ඇයි මෙහෙම වෙනසක් ඇතිවුණේ?
1954 වෙනකම්ම අපේ රටේ ඇමතිවරු ගණන 14 යි. 60-65 සිරිමාවෝ බණ්ඩාරනායක මැතිනියගෙ කාලෙ ඇමතිවරු 11 යි. ඒ ආණ්ඩුවට පක්ෂ කිහිපයක් එකතු වෙලා සමගි පෙරමුණ හැදුවට පස්සෙ 15 ක් වුණා. ඊටපස්සෙ යූඑන්පී ආණ්ඩුවේ ඇමතිවරු 17 යි. නැවත 70-77 මැතිනියගෙ කාලෙ 20 යි.
ඊට පස්සෙ ජේ. ආර්.ගෙ ආණ්ඩුවෙත් ඇමතිවරු 27 කට වඩා වැඩිවුණේ නෑ. ඇමතිවරු වැඩිකරන්න පටන්ගත්තෙ පේ‍්‍රමදාස මහතා. පේ‍්‍රමදාස මහතාට දෝෂාභියෝගයක් ගෙනාවට පස්සෙ රාජ්‍ය ඇමතිවරු කියල 64 ක් පත්කළා. එතකොට හිටපු ඇමතිවරු 17 ත් එක්ක ඇමතිවරු 91 වුණා. දෝෂාභියෝගය පරද්දන්න උදව් කළ හැමෝටම උන්නැහැ ඇමතිකම් දුන්න.
අපේ රටේ වර්තමාන ජීවන වියදම මැති ඇමතිවරුන්ටත් දරාගන්න බැහැ කියල සමහරු මැති ඇමති වැටුප් දීමනා සහ වරප‍්‍රසාද වැඩිකළ යුතු බවට පසුගියදා යෝජනා ඉදිරිපත් වුණා?
1965 තරම කාලෙ අපේ රටේ මන්ත‍්‍රීවරුන්ට ඇමතිවරුන්ට ඔය කිසිම වරප‍්‍රසාදයක් නෑ. රජයේ වාහන නෑ. ආරක්ෂකයො නෑ. බස් පාස් එකක් දුන්න. රේල් වොරන්ට් එකක් දුන්න. ප‍්‍රින්ස් ගුණසේකර පාර්ලිමේන්තු ආවෙ කෝච්චියෙ. ඩියුටි ෆී‍්‍ර වාහන ලැබුණෙ තානාපතිට විතරයි.
1980 දි අපේ රටේ මන්ත‍්‍රීවරයකුගෙ පඩිය රුපියල් 600 යි. ඇමති පඩිය රුපියල් 1500 යි. අගමැතිගෙ පඩිය රුපියල් 1750 යි. 1985 දි ඒක රුපියල් 8000 කළා. 88 දි 15000 කළා. මන්ත්රී වැටුප 10000යි. මැති ඇමතිවරුන්ගෙ මේ වැටුප් එදා රටට බරක් නෙමෙයි. 1947 අවුරුද්දෙ 101 ව සිටි මන්ත්රී මණ්ඩලය අද 225 දක්වා වැඩිවුණා. මුල් පාර්ලිමේන්තුව එක්ක බලන විට අද මන්ත්රී සංඛ්‍යාව දෙගුණයක් වෙලා. වැටුප් වැඩිවීම සියගුණයකටත් වඩා වැඩිවෙලා. ඇමති රාජ්‍ය ඇමති තනතුරුත් පසුගියදා 93 ක් බවට පත්වුණා.
87 දී පළාත් සභා ක‍්‍රමය ඇතිකළාට පස්සෙ මේ බර දෙගුණ තෙගුණ වුණා. මහ ඇමතිවරු 9 ක්. ඔවුන්ටත් ඇමතිවරයකුගෙ පඩිය. ඒ අනුව ඇමති සංඛ්‍යාව තව නවයකින් වැඩිවුණා. ඊළඟට පළාත් සභා නවයට පළාත් ඇමතිවරු 36 ක් ඉන්නව. ඒ අයට පාර්ලිමේන්තුවේ නියෝජ්‍ය ඇමතිවරයකුගෙ පඩිය ලැබෙනව. ඊළඟට පළාත් සභා මන්ත‍්‍රීවරු 453 දෙනාට පාර්ලිමේන්තු මන්ත‍්‍රීවරයකුගේ වැටුපෙන් බාගයක් හිමි වෙනවා. ඊළඟට ප‍්‍රාදේශීය සභාමන්ත‍්‍රීවරු. 4000 ක්ව තිබුණු ප‍්‍රාදේශීය සභා මන්ත්රී සංඛ්‍යාව 8346 දක්වා වැඩිකළා. ඒ අයට මාසික දීමනාවක් රුපියල් 75000 ගණනේ.
අද අගමැතිගෙ පඩිය රුපියල් 71500 යි. ඇමති කෙනෙකුට රුපියල් 65000 යි. නියෝජ්‍ය ඇමතිවරයකුට රුපියල් 63500 යි. මන්ත්රී කෙනෙකුට රුපියල් 54285 යි. පළාත් සභා මන්ත‍්‍රීවරයකුට ඒ ගාණෙන් බාගෙ ගානේ. එතන මන්ත‍්‍රීවරු 453 ක් ඉන්නවා. ප‍්‍රාදේශීය සභා මන්ත‍්‍රීවරයකුට මාසික දීමනාව රුපියල් 75000 ගණනේ මන්ත‍්‍රීවරු 8346 ක්ම ඉන්නවා.
ඊළඟට පාර්ලිමේන්තු මන්ත්රී සංඛ්‍යාවත් 225 සිට 233 දක්වා වැඩිකරන්න නව ව්‍යවස්ථා යෝජනාවක් තියෙනවා. ඊළඟට සෙනේට් සභාවක් පිහිටුවන්නත් යෝජනාවක් තියෙනවා. එතෙන්ටත් තව 55 ක් එකතු වෙනවා. ඒකට පළාත් සභාවෙන් පත් වුණත් පාර්ලිමේන්තු මන්ත‍්‍රීවරුන්ට පාර්ලිමේන්තුවට එනවට වැටුපට අමතරව දිනකට රුපියල් 2500 ක් ගෙවන වගේ මේ සෙනෙට් සභාවට එන මන්ත‍්‍රීවරුන්ටත් විශේෂ දීමනාවක් ලැබෙයි.
මේ ටික ඔක්කොම එකතු කරල බලන්න. දෙකෝටියකට ටිකක් වැඩි ජනතාවක් ඉන්න රටකට මේක දරන්න පුළුවන් බරක්ද? මේ විදිහට අද රටේ පඳුරක් ගානේ මැති ඇමතිවරු මන්ත‍්‍රීවරු හිටියත් රටේ පරිපාලනය අවුල් වෙලා රට අද අවුලෙන් අවුලට යනවා. එහෙමනම් මේතරම් විශාල ඇමති මණ්ඩලයක්, මන්ත්රී මණ්ඩලයක් නඩත්තු කිරීමෙන් ඇති ප‍්‍රතිඵලය මොකක්ද? හැම ආණ්ඩුවකම මැති ඇමතිවරු පාර්ලිමේන්තුවට ඇවිත් කරල තියෙන ප‍්‍රධානම වැඬේ රට සංවර්ධනය කරන්න කියල පිටරටවලින් ණය ගන්න එකයි, ඒකෙ බර මහජනතාව පිට පටවන ගමන් තම තමන්ගෙ වැටුප්, දීමනා සහ වරප‍්‍රසාද වැඩිකරගන්න එක විතරයි. මහජනතාව වෙනුවෙන් එක පනතක්, එක නීතියක් මේ අය සම්මත කරල තියෙනවද?
ලෝකෙ වෙන රටවල මහජනතාවට නැති කිසි වරප‍්‍රසාදයක් මැති ඇමතිවරුන්ට භුක්ති විඳින්න බෑ. ඔවුන්ට ඩියුටි ෆී‍්‍ර වාහන බෑ. මෙහෙම වරප‍්‍රසාද නෑ. අගමැති එන්නෙත් කෝච්චියේ නැත්නම් බස්එකේ. මේ විදිහට ජනතාවගෙ මුදල් නිර්ලජ්ජිත විදිහට මංකොල්ල කන දේශපාලකයො ඉන්න එකම රට ශ්රී ලංකාව විතරයි. ජනතාව රවට්ටල පත්වෙන හැම ආණ්ඩුවක්ම මේ මංකොල්ලය තව තවත් වැඩිකරනව. ජනතාවත් වහල්ලූ වගේ සද්ද නැතුව මේ බර අදිනව.
ඔබ හිතන්නෙ ඇයි ජනතාව මේ පිළිබඳ සංවේදී නොවෙන්නෙ? මේ වැටුප් වැඩකරගැනීම් සහ වරප‍්‍රසාද ගැන මේතාක් ජනතාවගෙන් බරපතළ විරෝධතාවක් මතුවෙලා නෑ?
එකක් ජනතාවගෙ නොදැනුවත්කම. අනෙක දේශපාලකයන්ගෙ සූර කපටිකම. මේ අය කෙළින්ම වැටුප වැඩිකරගන්නෙ නෑ. ඒකත් කරන්නෙ සද්භාවය පෙන්නල. උදාහරණයක් විදිහට මැතිඇමතිවරුම යෝජනාවක් ගේනව ශ්‍රේෂ්ඨාධිකරණයේ විනිශ්චකාරවරුන්ගේ පඩි වැඩිකරන්න ඕන කියල. ඒකට හේතුව හැටියට කියන්නෙ රටේ ස්වාධීනත්වය ඇතිකරන්න ඕන නිසා ඒක කරනව කියල. හැබැයි ඇත්තටම නම් ඒක මැතිඇමතිවරුන්ගෙ පඩි වැඩිකරන්න කරන උප්පරවැට්ටියක්. අග‍්‍රවිනිශ්චයකාරතුමාගේ පඩිය ජනාධිපතිවරයාගෙ පඩියට සමානයි. විනිශ්චයකාරවරයකුගෙ පඩිය ඇමතිවරයකුගෙ පඩියට සමානයි. ඇපිල් උසාවියේ විනිශ්චයකාරවරයකුගේ වැටුප නියෝජ්‍ය ඇමතිවරයකුගේ වැටුපට සමානයි. මහාධිකරණ විනිශ්චයකාරතුමකුගේ පඩිය මන්ත‍්‍රිවරයකුගේ පඩියට සමානයි. ඒ අනුව මැති ඇමතිවරු එකතුවෙලා විනිශ්චයකාරවරුන්ගෙ පඩි වැඩිකළාම මැතිඇමතිවරුන්ගෙ පඩිත් නිකම්ම වැඩිවෙනව. ඒ වැඩිකිරිල්ල කරන්නෙත් ආපස්සට අවුරුද්දක් හමාරක් බලපාන විදිහට. එතකොට ඇරියස් එකකුත් ලැබෙනව. අපේ රටේ මැති ඇමතිවරු රටේ ස්වාධීනත්වය වෙනුවෙන් කියල වරින් වර විනිශ්චයකාරතුමන්ලගේ වැටුප් වැඩිකරන්න උනන්දුවක් දක්වන්නෙ ඒකයි. මේක ජනතා මුදල් මංකොල්ලකෑමක්.
අද නොයෙක් නොයෙක් උප්පරවැට්ටි යොදමින් මන්ත්රී සංඛ්‍යාව වැඩිකරන්න පාලකයො සැලසුම් හදන්නෙ මහජන මුදල් මේ විදිහට සංවිධානාත්මකව මංකොල්ල කන්නයි. මම හිතන්නෙ මේ රටේ ජනතාව මේ ගැන දැඩි අවධානයක් යොමු කළ යුතු කාලය දැන් එළඹිලා තියෙනවා.
සාකච්ඡා කළේ පාලිත සේනානායක
.jpg)
